Шестмина извлечени од Кожуф

До вечер се очекува да се спуштат уште 15 лица, а евакуацијата на другите да се изврши во утринските часови.
Во регионот на скицентарот Кожуф сè уште паѓа снег и вее ветар со брзина од 3 до 10 метри во секунда.
Екипи на ЈП Македонија пат и на скијачкиот центар постојано работат на расчистување на завеаниот пат во должина од 12 километри.
Снежните навеви направени од силниот ветер достигнуваат и до пет метри во висина. На места снежната покривка веќе е спуштена до еден метар. Според информациите од УХМР, врнежи од снег ќе има до среда.