На почетокот на оваа година беше реконструиран дел од внатрешниот простор, а со тековните инвестициски активности дечињата ќе ја добијат првата еко-училница за настава на отворено, како и нови летниковци, клупи, павер елементи и хортикултурно уредување.
„Континуираните инвестиции кои ги реализираме се директна поддршка за подигнување на квалитетот на образовниот процес. Модерно образование, со соодветни услови за одвивање на образованиот процес е цел на која сме сериозно фокусирани. Заедно и со здружени сили, им овозможуваме на најмладите подобри услови за спорт, рекреација и образование“, соопшти Општина Аеродром.