Околу 11 часот ќе полетаат и двата противпожарни авиона „ер трактор“ од ДЗС.
Пожарникарите од Велес интервенираат на пожарот на отворен простор помеѓу селата Иванковци и Мамутчево во Општина Велес и кај село Милино во Општина Лозово. На терен дејствуваат 17 пожарникари со четири ПП возила, заедно со екипа на ЈП Национални шуми, подружница Бабуна и екипа пожарникари од Свети Николе.
Во текот на вчерашниот неделен ден противпожарните тимови интервенирале на 52 пожари на отворен простор, некаде заеднички – здружени од повеќе општини и институции, а и со помош од месните жители, како и со воздухопловна поддршка од ДЗС и МВР.
Утрово активни пожарите во Општина Македонски Брод, село Белица, Велес и Кондово.
И во Општина Куманово се уште е активен пожарот кај село Шупли Камен, што во неколку наврати е повторно активиран, каде што гори ниска вегетација и стрниште.