АП претходно објави дека расположението во изборниот штаб на Харис преку ноќ се претворило од еуфорично во анксиозно, откако почнале да пристигнуваат изборните резултати.
„Ви благодариме за сè што направивте, ви благодариме што сте тука. Ви благодариме што продолживте да верувате во ветувањето што го претставува Америка. Имаме уште гласови за броење, сè уште имаме држави кои ги бројат гласовите. Ќе продолжиме да се бориме за да обезбедиме секој глас да се преброи, да се слушне секој глас. Вечерва нема да го слушнете обраќањето на Камала Харис, но таа утре ќе ѝ се обрати на целата нација. Ви благодарам, верувам во вас, Господ да ве чува, напред Харис“, изјави Седрик Ричмонд, водител на кампањата на Камала Харис.
Републиканскиот кандидат Доналд Трамп ги следеше изборните резултати со близок круг на семејството и пријателите во своето одморалиште Мар-а-Лаго на Флорида.
