„Подморскиот кабел на Ростелеком беше оштетен во Балтичкото Море како резултат на надворешен удар пред извесно време“, пренесе ТАСС.
Работите за реставрација се во тек и инцидентот досега немаше никакво влијание врз претплатниците, додаваат од Ростелеком.
Ростелеком не даде дополнителни детали и соопшти дека не е јасно кога настанала штетата. Финската крајбрежна стража во саботата наутро на платформата Икс објави дека следи руски брод кој поправа оштетен руски кабел во Финскиот залив.
Регионот на Балтичкото Море е во состојба на висока готовност по серијата прекини на електричните кабли, телекомуникациските врски и гасоводите меѓу Балтикот и Шведска или Финска, што доведе до зголемени операции за надзор од страна на членките на НАТО.
Се верува дека сите нарушувања биле предизвикани од бродови кои влечеле сидра по морското дно откако Русија ја започна војната во Украина. Русија негира каква било вмешаност.
