Руското министерство за одбрана тврди дека Украина за новата офанзива распоредила до два механизирани баталјони. Како резултат на борбите оштетен е гасовод во округот Рилски, кажа гувернерот на Курската област Александар Хинштејн. Киев не ги коментира извештаите за офанзивата.
Извештаите за операцијата следат по изјавите на украинскиот претседател Володимир Зеленски, кој кажа дека присуството на Украина во Курската област би можела да игра „важна улога“ во идните преговори за завршување на војната.
Од август 2024 украинските сили држат позиции во руската Курска област по прекуграничниот упад со кој првично заземаа околу 1.300 квадратни километри руска територија. Киев од тогаш изгуби повеќе од половина од таа територија.
Во текот на шесте месеци борби во рускиот регион, руските загуби достигнале речиси 40.000 војници, вклучувајќи околу 15.000 загинати, тврди генералштабот на оружените сили на Украина. Киев се обидува да го искористи својот упад во Курската област како лост во потенцијалните мировни преговори.
