Проектилот со долг дострел е лансиран од Капустин јар во регионот Астрахан на брегот на Касписко Езеро.
Тестната боева глава потоа удрила, како што било планирано, на локација во сојузнички Казахстан, објави руското министерство додавајќи дека целта била да се тестира „борбената способност“ на проектилот.
Неодамна Кремљ објави дека ќе стационира тактичко нуклеарно оружје во Белорусија.
Таквото оружје има пократок дострел од интерконтиненталните балистички проектили кои можат да поминат растојание над 5 илјади километри.
