Леталото слета на неистражениот јужен пол на Месечината во средата навечер, неколку дена по уривањето на руското летало Луна-25, со што Индија стана првата земја на која тоа ѝ успеало.
„Роверот Ч-3 се спушти од лендерот и Индија прошета по Месечината“, соопшти Индиската вселенска истражувачка организација (ИСРО).
Chandrayaan-3 Mission:
Chandrayaan-3 ROVER:
Made in India ??
Made for the MOON?!The Ch-3 Rover ramped down from the Lander and
India took a walk on the moon !More updates soon.#Chandrayaan_3#Ch3
— ISRO (@isro) August 24, 2023
Станува збор за втор обид на Индија да се спушти на Месечината, а на тоа потроши околу 6,15 милијарди рупии (околу 68 милиони евра). Леталото за спуштање во претходната мисија Чандрајан-2 се урна во 2019.
Чандрајан значи „Месечинско возило“ на јазиците хинди и санскрит.
Јужниот пол на Месечината е интересен поради својот воден мраз, за кој се верува дека може да обезбеди гориво, кислород и вода за пиење за понатамошните мисии, но поради нерамниот терен слетувањето на него е тешко.
Речиси седум милиони луѓе во средата го гледале преносот од слетувањето во живо на платформата Јутјуб.
Се очекува Чандрајан-3 да биде во функција две недели, а ќе спроведува експерименти кои вклучуваат спектрометриски анализи на минералниот систем на лунарната површина.
