сабота, 12 јули 2025

Телескопот Џејмс Веб прв пат сними егзопланета оддалечена 110 светлосни години (ФОТО)

Вселенскиот телескоп Џејмс Веб за прв пат снимил планета надвор од Сончевиот систем, која е оддалечена 110 светлосни години, објавија научниците.

Фото: Ансплеш

Објавено на

часот

Сподели

Веб директно фотографирал млада гасна џиновска планета со големина на Сатурн што орбитира околу ѕвезда помала од Сонцето, оддалечена околу 110 светлосни години од Земјата во соѕвездието Антлија, велат истражувачите.

Планетата орбитира околу својата ѕвезда на растојание од околу 52 пати повеќе од орбиталното растојание на Земјата од Сонцето, а за споредба, Нептун орбитира околу 30 пати подалеку од Сонцето отколку Земјата, пренесува Ројтерс.

Новооткриената планета и нејзината ѕвезда се исклучително млади – околу шест милиони години, во споредба со староста на Сонцето и нашиот сончев систем од приближно 4,5 милијарди години.

Повеќето од приближно 5.900 егзопланети откриени од 1990-тите се откриени со индиректни методи, како што е набљудување на мало затемнување на светлината на ѕвездата кога планета поминува пред неа, наречен метод на транзит.

Помалку од два отсто од планетите надвор од Сончевиот систем се директно снимени, како што направи Веб со новоидентификуваната планета.

Иако оваа планета е голема кога се гледа во контекст на нашиот Сончев систем, таа е всушност најмалата планета откриена преку директно снимање и 10 пати помала од планетата за која претходно се сметаше дека е најмала.

ТОП ВЕСТИ

ПОСЛЕДНИ ВЕСТИ