Во студија објавена во 2014 година во научното списание Спречување на хроничните болести (Preventing Chronic Disease), ЦДЦ анализирал 41 вид овошје и зеленчук за да утврди кое има најголема густина на хранливи материи – односно најкорисни материи во однос на бројот на калориите. Поточарката е единствената што добила совршени 100 од 100 поени.
Поточарката (лат. Nasturtium officinale) е водно растение со луткаст вкус што расте во чисти потоци и извори. Англиското име ѝ е watercress. Можеби изгледа скромно, но е преполна со корисни состојки:
Витамин А – важен за видот, кожата и имунитетот
Витамин Ц – моќен антиоксиданс
Витамин К – клучен за коските и згрутчувањето на крвта
Калциум и железо – за здравјето на коските и крвта
Антиоксиданси – кои помагаат во борбата против воспаленијата и срцевите заболувања
6 супернамирници според ЦДЦ
Според ова истражување, еве ги првите позиции:
Поточарка – 100,00
Блитва – 89,27
Цвекло (зелениот лист) – 87,08
Спанаќ – 86,43
Рукола – 65,49
Зелена салата романа – 63,48
Како да се користи?
Поточарката се користи сурова и термички обработена. Има благо пикантен вкус сличен на руколата и добро оди со други зеленила. Еве неколку предлози:
Во свежи салати
Како додаток на смути
Во сендвичи и на тост
Во крем супи и омлети
Како зелен слој во топли јадења – наместо спанаќ
Заборавената кралица на суперхраната
Додека авокадото, кељот и чиа семето се слават низ целиот свет, поточарката често е целосно занемарена. Всушност, таа содржи повеќе хранливи материи по калорија од кое било друго познато растение. Освен тоа е моќна, лесна е за одгледување, не бара скапа нега и е достапна во локални услови.
Секако, поточарката сама по себе не е доволна за здравјето. Вистинската моќ доаѓа од балансираната и разновидна исхрана – овошје, зеленчук, јаткасти плодови, мешунки, интегрални житарки, риба и здравите масти како маслиновото масло – сите заедно придонесуваат.
Но ако барате еден зелен лист со кој ќе почнете – поточарката е одличен избор.
