Научниците создадоа „био-филм“ што се јаде и може да го удвои рокот на траење на јагодата, а со тоа помага да се минимизира отпадот од храна. Во една неодамна објавена студија, истражувачите од Универзитетот во Сао Паоло во Бразил го споредиле животниот век на овошјето со и без био-филм.
Тие откриле дека јагодите обложени со материјалот развиваат габи за околу шест до осум дена, во споредба со четирите дена за овошјето без облога. Уште поважно, тврдат, е што облогата не го променила мирисот, вкусот или чувството.
„Со нанесувањето на облогата, беше можно да се удвои рокот на траење на јагодите кои се чуваат во фрижидер и да се одложи дехидрацијата на овошјето, притоа да се зачуваат вкусот, текстурата и испарливите соединенија кои на овошјето му ја даваат карактеристичната арома“, изјави првата авторка Мирела Романели Висенте Бертоло за био-филмот, кој е направен од комбинација на рециклирана кора од калинка, хитозан (полимер што се наоѓа во лушпите од ракови) и желатин, пренесува Физ.орг.
Овој уникатен рецепт создава бариера околу овошјето, што го штити од микроорганизми, губење на влага и размена на гасови за да ги одржува јагодите вкусни што е можно подолго.
Што се однесува до цената, се проценува дека облогата ќе додаде дополнителни 2 центи по овошје. „Ова е трошок што потрошувачите можеби се подготвени да го платат за овошје со подолг рок на траење и поголема употреба“, рече Бертоло.
Истражувачите поднеле барање за патент за формулацијата и имаат намера да ја лиценцираат технологијата за заинтересирани компании.
