Треба да се напомене дека ова се само рани наоди и се базираат на тестови врз глувци, но сепак студијата привлече големо внимание.
Студијата, објавена во списанието Нејчр, анализирала глувци и открила дека заглавените меланоцитни матични клетки не се во можност да произведат протеин потребен за пигментација на косата. Како резултат на тоа, косата може стане сива.
Научниците откриле дека меланоцитните матични клетки се движат меѓу одделите при развојот на здрави фоликули на косата кога работите одат добро. Но, понекогаш матичните клетки се заглавуваат во еден оддел и не можат да се преместат во друг. Ова предизвикува каскада што ја спречува пигментацијата на косата, што доведува до седа коса.
Бидејќи студијата е спроведена само на глувци, тешко е да се каже со сигурност дали ќе се применува и на луѓето. Но, авторите заклучија дека наодите сугерираат дека решавањето на проблемот со мобилноста кај матичните клетки на меланоцитите може да претставува нов пристап за спречување на побелувањето на косата.
Дали седата коса може повторно да ја врати природната боја?
Секако, прерано е да се даде прецизен одговор на тоа прашање, но оваа студија штотуку откри специфичен механизам зошто косата станува седа, а тоа е многу важна информација.
„Ова претставува потенцијален пат за враќање или спречување на сивата коса кај луѓето преку помагање на заглавените клетки да се движат помеѓу одделите на фоликули на косата во развој“, рече д-р Ки Сун, главен автор на студијата.
Значи, можно е во иднина задржувањето на природната боја на косата да биде едноставно, како земање лек, само што уште не сме стигнале до таму. Но, тоа не значи дека нема да биде така.
