Иако „лежерното пиење кафе“ се појавило уште во 16 век, а Турците и Грците го прифатиле многу брзо, во Западна Европа овој ритуал се развил многу подоцна, дури кон крајот на 19 век. Она што е особено интересно е фактот дека чашата вода што се служи со кафето првично воопшто не била наменета за пиење.
Имено, во тоа време, многу дами се жалеле дека имаат потешкотии со лажичката за шеќер и мешање на кафето. Не им се допаѓало тоа што извалканата лажичка со кафе и пена морале да ја стават на работ од тацната. Таквиот потег тогаш се сметал за неучтив и не многу елегантен.
За да го решат овој проблем, угостителите воведоа чаша вода со кафе. Нејзината првична намена била гостите да ја исплакнат валканата лажичка во неа, а потоа да ја стават на тацната.
На почетокот, значи, чашата вода служела исклучиво за одлагање и плакнење на лажичката. Сепак, овој ритуал добива ново значење од 1873 година, кога почнуваат да се воведуваат првите градски водоводни системи кои користеле вода од планински извори. Тогаш, сопствениците на кафулиња сакале да покажат дека подготвуваат кафе со кристално чиста, изворска вода.
Денес, чаша вода со кафе се смета за знак на добри манири и внимание кон гостинот. Овој обичај е усвоен од бројни кафулиња и ресторани низ целиот свет, иако сè уште има места каде што нема да добиете чаша вода – освен ако не побарате конкретно.
