Косата расте од фоликулите – ситни структури во скалпот кои се наоѓаат 2-4 мм под кожата. Во секој фоликул, влакно од коса се формира долго пред да стане видливо на површината на скалпот. До моментот кога ќе излезе на површината, косата што ја шишате е мртво, стврднато ткиво.
„Сечењето на она што е над површината нема никакво влијание врз тоа што се случува во фоликулот“, вели Тобин, пренесува Гардијан.
Косата расте со брзина од околу 1 см месечно за време на фазата на раст, што трае неколку години, пред косата да падне и циклусот да започне повторно. Оваа брзина е одредена од генетиката и не може да се забрза со ножици.
Она што се менува е колку косата изгледа дека расте. Топлото обликување и агресивните хемиски третмани можат да ја оштетат надворешната структура на влакното, правејќи ја кршлива и склонa на расцветување. Кога косата се крши побрзо отколку што расте, изгледа дека никогаш не станува подолга.
Па од каде потекнува овој мит? Размислете за потстрижување на неуредна жива ограда, вели Тобин: „Кога добро ќе ја обликувате со потстрижување, може да изгледа погуста. Не сте го промениле она што се случува во подлабоките гранки – само сте го заокружиле целокупниот изглед.“
Косата се однесува на многу сличен начин. Поединечните влакна се стеснуваат како што се оддалечуваат од скалпот, па затоа нивното кратење ги прави да изгледаат погусти. Отстранувањето на расцепените и оштетени врвови исто така може да ја направи косата да изгледа погуста и поздрава, пренесува Гардијан.
Ако се обидувате да ја растете косата, вели Тобин, приоритет не е честото шишање, туку намалување на штетата. „Советот би бил влакното да се одржува во беспрекорна состојба, со што е можно помалку изложеност на агресивни хемикалии или топлина.“
