Вестерн Ризрв беше еден од првите челични товарни бродови во САД на крајот на 19 век. Изграден за да ги собори рекордите за брзина, товарниот брод долг 91 метар се сметаше за еден од најбезбедните бродови во својата ера.
Меѓутоа, кога бродот влегол во заливот меѓу Мичиген и Канада на 30 август 1892 година, настанала бура која го преполовила. Во несреќата загинаа 27 лица. Единствениот преживеан бил кормиларот кој успеал да исплива 1,6 километри до брегот откако му се превртел чамецот за спасување.
Следните 132 години, локацијата на бродот остана непозната. Но, минатиот јули, ренџерите од историското здружение на западни резервати на потонати бродови прецизно ја одредиле локацијата на потонатиот брод – во близина на брегот на Мичиген.
Дерил Ертел, директорот за поморски операции на компанијата, и неговиот брат Ден Ертел поминаа повеќе од две години во потрага по потонатиот брод на Вестерн Ризрв.
На 22 јули, при претрес на езерското дно со сонарна технологија, браќата забележале брод скршен на два дела со лакот потпрен на крмата. Секој дел бил долг 45,2 метри, што им кажувало дека го пронашле потонатиот брод.
Осум дена подоцна, браќата се вратиле на истото место. Тие пуштиле подводен дрон опремен со осветлување и камера со висока резолуција. Направени се јасни слики од остатоците кои се совпаѓаат со сликите на оригиналниот брод пред да потоне, потврдувајќи дека конечно ги пронашле остатоците од бродот.
