Преселувањето во странство не е секогаш само за подобрување на квалитетот на вашиот сопствен живот – за оние со семејства, преселувањето во друга земја може да биде повозбудлива, попросперитетна или побезбедна опција и за вашиот партнер и за децата, пренесува Тајм аут.
Но, кои земји се најдобри за семејства? Новиот Индекс за имиграција на Ремитли дава одговор на тоа прашање. Оваа меѓународна компанија за трансфер на пари анализирала 82 земји според 24 различни фактори и го прогласи Исланд за најдобра земја за преселба воопшто.
Меѓутоа, ако воспитувате деца, има уште неколку фактори што треба да се земат предвид. За да ги одреди најдобрите земји во кои семејствата треба да се преселат, Ремитли ги истражуваше трошоците за детска грижа, просечните години на образование и очекуваните години на школување во секоја земја.
Шри Ланка, бујна островска држава во Индискиот Океан, се најде на врвот на листата на „најпријателски за семејството“ земји во светот. Заработи висок семеен резултат од 88 од 100 благодарение на она што Ремитли го опишува како „импресивен образовен систем“ и ниските годишни трошоци за грижа за децата од само 354,60 долари.
Постојат многу причини зошто Шри Ланка е одлично место за живеење – изобилството на историски урнатини, бујна зелена природа и фантастичната храна се само неколку од нив.
Земјата е исто така рај за дивиот свет, со националните паркови Уда Валава и Кумана кои можат да се пофалат со неверојатно разновиден спектар на животни, вклучувајќи слонови, диви биволи, џиновски верверички, елени, крокодили, бели кобри и огромен број фасцинантни птици – звучи како неверојатно место за растење?
Шведска се најде на второто место на листата на Ремитли, додека Норвешка е на третото место. Во продолжение погледнете кои 10 земји во светот се погодни за семејство во 2025 година:
- Шри Ланка
- Шведска
- Норвешка
- Нов Зеланд
- Исланд
- Германија
- Финска
- Данска
- Австралија
- Соединетите Американски Држави
