„Дозволете ми на сите припадници на Eврејската заедница во Македонија да ви посакам ‘денот на деновите’, најсветиот еврејски празник – Јом Кипур да го поминете во мир и хармонија, во добро здравје и во радост и љубов. Одбележувањето на празникот на покајувањето и искупувањето, со молитва и пост, ни ја посведочува длабоката и жива духовност на еврејскиот народ. Горди сме што иако мала, еврејската заедница во Македонија, суштински придонесува за нашето општество чувајќи ги сопствените традиции и крепејќи ги заедничките вредности, соживотот и заедништвото“, стои во честитката на Силјановска-Давкова.
Натаму, во честитката претседателката додава: „да го избегнеме вителот на светските геополитички искушенија и да ги надминеме домашните премрежиња. Да останеме сплотени и солидарни неуморно работејќи на просперитетот и напредокот на нашата татковина“.
„Мојата порака ја завршувам со традиционалниот поздрав за Јом Кипур – G’mar chatima tova“, се наведува во пораката на претседателката Силјановска-Давкова, по повод еврејскиот празник Јом Кипур.
