Како што пишува Телеграф, тие ги откриле деталите во интервју за Си-би-ес њуз, кое го дале маскирани со ски маски и очила за сонце за да го сокријат идентитетот. Тие тврдат дека Израел му продал на Хезболах околу 16.000 од овие експлозивни направи во текот на годините, по „добра цена“.
Габриел изјави дека со оглед на тоа што уредот воки-токи главно се користи во борба, почнале да развиваат експлозивни пејџери.
Мосад почнал да ги тестира своите ново развиени уреди за да се утврди точната количина на експлозив потребна да се ограничи штетата на лицето што го користи пејџерот, тврди дуото. Бидејќи пејџерот на Хезболах бил мал и компактен, тимот на Мосад морал да ја зголеми големината на своите уреди за да го собере експлозивот.
Габриел вели: „Се сеќавам на денот кога отидов до нашиот директор и го ставив уредот на маса. Беше бесен, велејќи ни дека нема шанси некој да купи толку голем уред, дека не може да се стави во џеб и е премногу тежок“.
Israel’s Mossad learned Hezbollah was buying pagers from a company in Taiwan, and in 2022 started its pager plot. Sunday, a retired Mossad agent, key to the operation, explains how they made pagers explode. pic.twitter.com/MwbgQXg5nM
— 60 Minutes (@60Minutes) December 20, 2024
Две недели подоцна, Габриел успеал да го убеди шефот на шпионажа да ја одобри мисијата. Мосад потоа користел лажни реклами на Јутјуб за да го лансира новиот пејџер кој бил робустен, отпорен на прашина и вода и со долг век на батеријата.
„Направивме рекламни филмови и брошури, ги ставивме на интернет. И стана најдобриот производ во категоријата пејџер во светот“.
Откако дознале дека Хезболах купува пејџери од Голд Аполо во Тајван, Мосад ги привлекол во работен аранжман со основање лажни компании.
„Кога купуваа од нас, немаа поим дека купуваат од Мосад“, рече Габриел. Тој ја спореди шемата со филмот „Шоуто на Труман“, бидејќи „сè беше контролирано од нас зад сцената“.
„Од нивна перспектива, сè изгледаше нормално. Сè беше 100 проценти легално, вклучително и бизнисмените, маркетингот, инженерите, изложбениот салон, сè“, додаде тој.
Пензиониран агент на Мосад инсистирал агенцијата да ги тестира уредите повеќе пати за да се обезбеди минимална штета. „Ако го притиснеме копчето, единственото лице што ќе биде повредено е терористот. Дури и ако неговата сопруга или ќерка стојат до него, само тој ќе биде повреден“, рече тој.
Пред повеќе од два месеци, на 17 септември, речиси една година откако Хезболах го започна конфликтот со истрелување ракети, проектили и беспилотни летала кон Израел во знак на солидарност со Хамас, пејџерите на Мосад почнаа да експлодираат низ Либан.
Експлозиите предизвикаа моментален хаос во земјата, а брзата помош веднаш реагираше на места каде што на членовите на Хезболах им беа разнесени екстремитети. Следниот ден, втор бран експлозии го погоди Либан додека воки-токи уредите на Мосад беа детонирани.
Во нападите беа ранети околу 3.000 луѓе, повеќето членови на Хезболах, додека 30 лица загинаа, меѓу кои и две деца. Целта, тврди Габриел, не била да се убијат членовите на Хезболах, туку да се ранат.
„Ако е ранет, треба да го однесете во болница, да се грижите за него. Треба да вложите пари и труд. А тие луѓе без раце и очи се жив доказ, шетајќи во Либан, да не се плеткате со нас“, изјави тој. „Тие се жив доказ за нашата надмоќ на целиот Блиски Исток“.
Hezbollah leader Nasrallah saw pagers exploding and fighters collapsing near him in the bunker, says a former Mossad agent. Asked how he knew this, he’d only say: “It’s a strong rumor.” https://t.co/ONN5y4YV43 pic.twitter.com/5RCGnMIr05
— 60 Minutes (@60Minutes) December 23, 2024
Пензионираниот агент, исто така, тврдеше дека лидерот на Хезболах, Хасан Насралах бил „скршен“ по нападот.
„Не знам дали знаете дека Насрала… веднаш до себе во бункерот имал неколку луѓе со пејџери кои ја примија пораката. И тој ги виде како паѓаат со свои очи“, рече тој.
Во следните денови, израелските воздухопловни сили погодија цели низ Либан, убивајќи над 1.000 луѓе, од кои многумина цивили. На 27 септември, Израел фрли огромни бомби врз бункерот на Насрала, убивајќи го. Примирјето меѓу Израел и Хезболах стапи на сила на крајот на ноември.
