Меѓутоа, како што пишува Месаџеро, таа била спречена од ватиканските полицајци, кои ја надгледувале областа.
Според полициски извори што ги објави Анса, жената, 25-годишна украинска државјанка, била уапсена под обвинение дека дала отпор и повредила службено лице. Таа била пријавена и за недолично однесување на јавно место. За време на апсењето таа извикала на англиски: „Ова е моето дете!“ и „Путин е воен злосторник!“
A topless woman attempted to steal a figurine of Jesus in the Vatican The incident took place at St. Peter’s Square
A Femen activist climbed over a barrier and tried to take the figurine from the Nativity scene. Security personnel detained the woman. Femen explained that the… pic.twitter.com/ItYppMbRva
— NEXTA (@nexta_tv) December 27, 2024
Како што може да се види на видеото, жената се обидела да ја извади статуата на Исус од јаслите, но полицајците ја спречиле во тоа.
Движењето Фемен појасни дека тој чин бил протест против руското киднапирање на повеќе од 700.000 украински деца. Организацијата го обвини Папата и меѓународните институции за премал ангажман во решавањето на проблемот и додаде дека кога била уапсена активистката, бил уапсен и фотографот кој бил на местото на настанот.
„И покрај апсењето на активистката и фотографот, меѓународната заедница нема да го игнорира овој протест. ФЕМЕН ја продолжува својата борба и го повикува светот да преземе активна акција против злосторствата на Путинова Русија“, изјавија тие.
Ова не е прв пат движењето ФЕМЕН да ја користи оваа тактика за да ја подигне свеста за одредени прашања. Така, во 2014 година, активистка на движењето украде статуа на Исус од јаслите, поради што беше уапсена и приведена.
