„Орбан се подготвува да му врачи голем политички подарок на својот најдобар пријател преку Атлантикот, поранешниот претседател на САД Доналд Трамп. Орбан смислил начин на кој Трамп, ако во ноември биде избран за втор мандат во Белата куќа, би можел да се извлече од кредитот од 50 милијарди долари кои САД, Европската Унија и лидерите на земјите од Г7 ѝ го понудија на Украина“, пишува американскиот весник.
Според наводниот план на Орбан, Трамп ќе има што да им каже на републиканските гласачи и да ги увери дека, ако биде избран, нема да му даде ни цент на Киев.
Политико објаснува дека Трамп, ако Брисел и Вашингтон заеднички го доделат заемот, ќе биде приморан да го плаќа долга низа години, но дека, ако биде одобрен без учество на Вашингтон, нема да има таква обврска.
„Унгарија нема да се согласи на промена на правилата која би му овозможила на Вашингтон да игра главна улога во заемот додека да поминат изборите во САД“, пренесува весникот.
Според договорот на Г7, целосната супа од 50 милијарди долари би требало да биде вратена од профитот остварен од замрзнатиот руски имот, кој главно се чува во ЕУ.
Белата куќа првично своето учество во проектот го услови со измени на режимот на санкции на ЕУ, барајќи рускиот имот во Европа да остане замрзнат најмалку три години.
Унгарија подоцна стави вето на планот и инсистираше санкциите да се обновуваат секои шест месеци, а тоа ја примора Европската комисија да предложи алтернативен план за собирање до 35 милијарди евра од вкупниот буџет на блокот, решение кое бара поддршка од повеќето земји членки на ЕУ.
Ако САД се придружат на програмата, износот кој го плаќа ЕУ би можел да биде намален. Западните функционери велат дека американската влада размислува за различни износи, вклучувајќи ја можноста за придонес од 5 милијарди долари – што е еквивалент на рускиот имот замрзнат во САД.
