Акцијата е резултат на повеќемесечна предистражна постапка што обвинителството во соработка со Одделот за сузбивање на организиран и сериозен криминал при МВР ја спроведуваше по доставена пријава од граѓанин против три лица.
„Во текот на акцијата беа извршени претреси на 26 локации во Струмичко-гевгелискиот регион и притоа се лишени од слобода 14 царински службеници од Царинската управа на РСМ, еден пензиониран царински службеник и еден полициски службеник. При претресите пронајдени се парични средства што биле примени како поткуп, во вкупен износ од 50.000 евра“, соопшти МВР.Според кривичната пријава против 15 лица што МВР ја достави до ОЈО ГОКК, 13 од осомничените лица како вработени во Царинската управа на РСМ, а распоредени во Царинските испостави Ново Село и Дојран сториле кривично дело примање поткуп по член 357 став 1 од КЗ, а две лица се пријавени за кривично дело злоупотреба на службена положба и овластување по член 353 од КЗ.„Осомничените во временскиот период од 21 март 2023 година, па сѐ до вчера, 15 октомври, со умисла извршиле повеќе временски поврзани дејства што претставуваат повеќекратно остварување на исто дело. Тие искористувајќи ист траен однос, исти прилики и слични околности, при вршење на царински прегледи на стоката што се увезувала во државата преку граничните премини, од превозниците на стоката директно барале и примале парични средства за себе во износи од по 20, 50, 70, 100 и 150 евра, за да не извршат службено дејство што би морало да го извршат. Откако ќе го примеле поткупот, што потоа го делеле меѓу себе, осомничените не ја вршеле својата службена должност и не правеле пресметка и наплата на увозните давачки, согласно Законот за царинската управа, Уредбата за спроведување на царинскиот закон и Законот за царинската тарифа. Така, увезената стока ја пуштале во слободен промет, со намера за себе и превозниците да прибават имотна корист, а на штета на средствата на Буџетот на РСМ во висина од ненаплатените царински увозни давачки. Согласно КЗ за кривичното дело примање поткуп запретената казна е од четири до 10 години затвор, додека за кривичното дело злоупотреба на службена положба и овластување е предвидена казна затвор од шест месеци до три години“, се вели во соопштението на МВР.
„Во текот на акцијата беа извршени претреси на 26 локации во Струмичко-гевгелискиот регион и притоа се лишени од слобода 14 царински службеници од Царинската управа на РСМ, еден пензиониран царински службеник и еден полициски службеник. При претресите пронајдени се парични средства што биле примени како поткуп, во вкупен износ од 50.000 евра“, соопшти МВР.Според кривичната пријава против 15 лица што МВР ја достави до ОЈО ГОКК, 13 од осомничените лица како вработени во Царинската управа на РСМ, а распоредени во Царинските испостави Ново Село и Дојран сториле кривично дело примање поткуп по член 357 став 1 од КЗ, а две лица се пријавени за кривично дело злоупотреба на службена положба и овластување по член 353 од КЗ.„Осомничените во временскиот период од 21 март 2023 година, па сѐ до вчера, 15 октомври, со умисла извршиле повеќе временски поврзани дејства што претставуваат повеќекратно остварување на исто дело. Тие искористувајќи ист траен однос, исти прилики и слични околности, при вршење на царински прегледи на стоката што се увезувала во државата преку граничните премини, од превозниците на стоката директно барале и примале парични средства за себе во износи од по 20, 50, 70, 100 и 150 евра, за да не извршат службено дејство што би морало да го извршат. Откако ќе го примеле поткупот, што потоа го делеле меѓу себе, осомничените не ја вршеле својата службена должност и не правеле пресметка и наплата на увозните давачки, согласно Законот за царинската управа, Уредбата за спроведување на царинскиот закон и Законот за царинската тарифа. Така, увезената стока ја пуштале во слободен промет, со намера за себе и превозниците да прибават имотна корист, а на штета на средствата на Буџетот на РСМ во висина од ненаплатените царински увозни давачки. Согласно КЗ за кривичното дело примање поткуп запретената казна е од четири до 10 години затвор, додека за кривичното дело злоупотреба на службена положба и овластување е предвидена казна затвор од шест месеци до три години“, се вели во соопштението на МВР.
