Според Си-би-ес њуз, крадците објавиле видеа од своето возење на социјалните мрежи, објавија властите. На снимките се гледа дека се наоѓаат во кабината на возачот, додека еден управува со контролите, еден седи на влезната врата со нозете кои му виселе надвор од возот над шините, а трет стои зад него.
Според Њујоршката полиција, возот на линијата Р бил безбедно оставен на помошен колосек на станицата 71 Авенија во Квинс. Помошниот колосек се користи за складирање на возови кога тие не се во употреба.
Според Метрополитен транспортната управа (МТА), возот Р со број 9108 бил заклучен и без екипаж кога вработените се вратиле и забележале дека е преместен од првобитната локација – крадците го вратиле во област во близина каде што го земале. Вратите на возот биле заклучени, што сугерира дека користеле специјални клучеви за пристап до подземните возови.
#BREAKING 🚇: SUBWAY TRAIN STOLEN FOR JOYRIDE IN NYC
Detectives are hunting a group suspected of stealing a parked subway train and taking it for a wild ride. A brazen stunt in the heart of the city. Authorities urge the public to stay alert. #Newyork #Subway pic.twitter.com/1K9FtPPlmU
— GeniusRogueX 🏴☠️ (@GeniusRogueX) January 29, 2025
„Тие очигледно знаеле каде е возот, како да го стартуваат и како да ги набават клучевите“, вели експертот за транспорт Роберт Пасвел. „Откако ќе го стартувате, сè што треба да користите е рачката за гасот – ја користите за да го стартувате возот и да го успорите“.
Сè уште не е јасно колку долго триото управувало со возот или колку далеку го возеле. Сепак, видеата на социјалните мрежи покажуваат дека возот се движел со голема брзина. Властите исто така рекоа дека осомничените биле облечени во црно, носеле црни маски и ги покриле камерите во возот со црн маркер.
Откако вработените во МТА утврдиле дека возот е преместен, го префрлиле во железничкиот двор во Квинс за да ги анализираат податоците од „црната кутија“ и да откријат каде и колку долго патувал возот. „Њујорк Сити транзит соработува со Њујоршката полиција во нивната истрага за овој инцидент“, рече портпаролот на МТА.
Инцидентот се истражува како дело на несовесно загрозување на безбедноста. Сè уште нема уапсени.
