„Влера во 17.12 часот во СВР Скопје било пријавено дека на улица Козара во Скопје две лица фрлиле експлозивна направа, по што настанал пожар на сува трева. Пожарот бил изгаснат, а повредени лица нема. Полициски службеници излегле на местото и пронашле делови од шок бомба. Се преземаат мерки за расчистување на случајот“, велат од МВР.
МКД.мк вчера со фотографии и текст извести за овој немил настан кој многу ги вознемири жителите на овој дел од Скопје. Бомбите силно одекнале, предизвикале пожар и малку недостасувало да бидат зафатени и објкети. Се работи за дел од населбата каде и претходно млади лица, главно тинејџери, создаваа безредија, бучава во ноќните часови и уништуваа општински инвентар по парковите и шеталиштата.
