Блинкен, на денешната средба со специјалниот пратеник на ОН за Сирија, Геир Педерсон, рече дека очекува да разговара за предизвиците кои претстојат за Сирија и „решителноста да работиме заедно за поддршка на транзицијата на Сирија во која ОН играат клучна улога, особено кога станува збор за обезбедување помош и заштита на малцинствата“.
„Она што е толку критично во Сирија е да гледаме кредибилен и инклузивен политички процес кој ќе ги обедини сите заедници во Сирија. А втората работа е дека треба да се погрижиме државните институции да не пропаднат и да добиеме хуманитарна помош што е можно поскоро“, се согласи Педерсон.
