СВР Скопје синоќа започнаа со преземање на зајакнати мерки и активности за одржување на поволна безбедносна состојба во централното градско подрачје, преку превентивно присуство на полицијата, известува МВР.
„Целта е одржување на стабилен јавен ред и мир како и спречување на извршување на кривични дела и прекршоци на неколку локации меѓу кои паркот Дрвен град во Дебар Маало, детските игралишта помеѓу ул.Народен Фронт и ул.Васил Ѓорѓов, пекара Силбо, Порта Македонија и на други локации.
Од МВР велат и дека се отстрануваа и непрописно паркирани возила.
„Беа спроведени и сообраќајни контроли при што беа преземени 25 мерки од Законот за безбедност на сообраќајот на патиштата и Законот за возила долж ул. Народен вронт“, ул.Орце Николов и ул.Боемска, подигнати биле шест возила со специјално возило пајак и легитимирани биле 24 лица“, инфрормираат од МВР и предупредуват дека продолжува засиленото полициско присуство и во наредните денови.
Општина Центар подолго време и со фотографии известува за уништени игралишта и паркови, а вчера сподели и видео снимено од граѓани, на кое се гледа дивеењето и вандализмот на група млади лица. Видето е доставено и до МВР.