Аморим денеска за првпат го водеше Манчестер јунајтед на Олд Трафорд во меч од Премиерлигата, ваквото деби заврши успешно.
Ѕвезди на денот беа Рашфорд и Зиркзе, двајцата дадоа по два гола.
Рашфорд погоди во 34. минута за 1-0, а седум минути подоцна Зиркзе даде гол за 2-0. Тоа беше резултатот од првиот дел.
На самиот старт од вториот дел Рашфорд зголеми на 3-0, а во 64. минута Зиркзе ја затвори серијата голови поставувајќи ги конечните 4-0.
Челси со убедливи 3-0 славеше над Астон Вила. Џексон, Фернандез и Палмер ги постигнаа головите за сините.
Тотнем одигра само 1-1 на свој терен против Фулам.
