Од Македонија пат информираат дека на планинскиот премин Ѓавато има магла со видливост од 200 метри.
„Сите патни правци во државата се проодни без забрани и ограничување. На одредени патни правци кои поминуват низ клисури и усеци можна е појава на поситни одрони. Апелираме на внимателно управување со возилата, почитување на поставената сообраќајна сигнализацијаи прилагодување на брзината кон условите на патот“, велат од Македонија пат.
А од регионалниот Центарот за управување со кризи (ЦУК) Тетово информираа дека состојбата после вчерашните и денешни врнежи од дожд и снег во поголемиот дел од Северозападниот регион е редовна и сообраќајот се одвива нормално.
„Снабдувањето со електрична енергија е редовно и нивото на водотеците е на нормално ниво за овој период од годината. Проблеми има на високопланинските села каде што сообраќајот се одвива во зимски услови и забавено со задолжителна употреба на зимска опрема. Во ЦУК имаше повици од село Луковица, Општина Желино кои информираа за непрооден пат до селото. Истите се вратија во својот дом и според пријавителката истите ќе преноќеле во селото. Од страна на полициката стануца Групчин сме известени дека на теренот кон селата Луковица и Седларево е упатена машина за чистење на снегот и моментално истата работи на нормализирање на сообраќајот на тој реон додека гужвата што настана поради несовесни граѓани кои со несоодветни гуми возеа на Попова Шапка е расчистена. Сообраќајот во двата правци се одвива во зимски услови, забавено и со задолжителна употреба на зимска опрема.
Регионалниот ЦУК Битола, известува дека како резултат на обилните врнежи од снег и дожд што што го зафатија Пелагонискиот регион во последното деноноќие, преку бројот 112 во ЦУК се добиени голем број пријави за прекини на електричната енергија како и оштетени бандери, поплавени подрумски простории, поплавен коловоз кај бензиската пумпа„Салида во Прилеп и за одрони на патните правци Прилеп-Битола, Прилеп-Кавадарци и Демир Хисар-Кичево.
Патниот правец од Битола до хотелот Молика е прооден само со теренски возила, а во прекин е патниот правец од Крушево до село Пуста.
