Јун и неколку високи јужнокорејски функционери се соочуваат со кривична истрага поради можни обвиненија за бунт, злоупотреба на власта и попречување на граѓаните да ги остварат своите права, пишува Ројтерс.
Ли Џеј Мјунг, лидерот на најголемата јужнокорејска опозициска Демократска партија (ДП), претходно денеска предложи формирање на консултативно тело за координација на работата на парламентот и владата за стабилизирање на власта во земјата еден ден по отповикувањето на претседателот Јун.
„Нормализацијата во Република Кореја е итно потребна. Демократската партија активно ќе соработува со сите политички партии на стабилизирање на владата и враќање на меѓународната доверба“, рече Ли на прес-конференција, пренесе Јонхап.
Јун вчера најави дека нема да се повлече откако парламентот гласаше за негово отповикување и рече дека ќе се бори до последен момент.
