Отпадоците потекнуваат од втората фаза на ракетата Фалкон 9, која беше лансирана на 1 февруари од вселенската база Ванденберг во Калифорнија, носејќи нов сет сателити на Старлинк. Втората фаза на ракетата, тешка околу четири тони, не успеала да го изврши планираното деорбитирање, што резултираше со нејзино неконтролирано влегување во атмосферата над Полска помеѓу 4:46 и 4:48 часот по локално време.
Сведоци од ОК, Холандија, Германија, Данска и Полска изјавија дека виделе светли огнени топки кои полека се распаѓале на небото, а многумина споделија снимки на социјалните мрежи.
Falcon 9 upper stage reentry over Poland
These do not in fact entirely burn up, which is becoming an issue given the launch cadence pic.twitter.com/n9oD1zQty7
— Chris Combs (iterative design enjoyer) (@DrChrisCombs) February 19, 2025
На социјалната мрежа Икс беше објавена и снимка од надзорна камера, на која изгледа се гледа моментот кога паѓа дел од Фалкон 9.
@SpaceX activities in Poland look like this.
Also, I think this is the first time someone has captured uncontrolled space debris hitting the surface.
Source: Elektro-hurt Aleksander Winter pic.twitter.com/COwpSE3lFm
— Jędrzej Kowalewski (@jj_kowalewski) February 20, 2025
Голем објект сличен „на резервоар“ (со димензии приближно 1,5 x 1 м) е откриен во складиштето на Адам Боруцки во Коморники, во близина на Познањ. Втор идентичен резервоар е пронајден во шумата кај селото Вири, на околу 30 километри.
Дополнителни фрагменти се пронајдени во градовите Шливно и Самотули, северозападно од Познањ.
Експертите ги идентификуваа објектите како композитно обвиткани садови под притисок (КОПВ) од горната фаза на Фалкон 9. Астрономот од Харвард, Џонатан Мекдауел, потврди дека пронајдениот резервоар „има правилна големина и форма за КОПВ садовите што се користат во горната фаза на Фалкон 9“.
SpaceX Falcon 9 2nd stage reentry over Poland. pic.twitter.com/0woYfZUwWO
— Chris Clarke (@chrisclarkefly) February 19, 2025
Полските власти, вклучително и полицијата и пожарникарите, ги обезбедија локациите каде што беа пронајдени остатоците, додека Полската вселенска агенција (ПОЛСА) соработуваше со Спејсекс за да го потврди потеклото на деловите и да ги планира следните чекори.
Спејсекс потврди во официјалното соопштение дека втората фаза од ракетата од мисијата на 1 февруари повторно влезе во атмосферата над Европа и дека тие „тесно соработуваат со полската влада на операциите за обновување и чистење“.
Hey @elonmusk, your Falcon 9 decided to give Poland an unexpected ‘souvenir.’ Should we send you an invoice for cleanup, or is this part of your Mars colonization plan? pic.twitter.com/BjjpMFRNS6
— Bart Staszewski (@BartStaszewski) February 19, 2025
Компанијата исто така нагласи дека „остатоците не содржат токсични материјали“, но ги советуваа граѓаните да не ги допираат пронајдените делови, туку да ги пријават на локалните власти или на официјалната линија за известување за вселенски отпад на Спејсекс.
ПОЛСА предупреди дека дополнителни ракетни остатоци може да се распрснат во радиус од 100 километри, протегајќи се низ поголемиот дел од Полска.
