Говорејќи на церемонијата по повод 32-годишнината од независноста на Украина, која ја организираа амбасадите на Косово, Вјоса Османи рече дека Косово е и ќе остане „силен поддржувач на слободата, суверенитетот и правата на Украина, против агресивниот и геноциден сосед“.
„Очекуваме дека Украина ќе му возврати на поддршката на Косово како независна и суверена држава и природен сојузник во овој регион. Војната ги зближи нашите народи и сега е време за храбри одлуки се воспостават и нашите односи“, рече Османи.
Таа рече дека рускиот наратив, кој случајот со Косово го зема како пример за оправдување на војната во Украина, „треба да биде отфрлен од сите и дека никој не треба да падне во оваа стапица на Путин“.
Украина и натаму не ја признава независноста на Косово.
Германскиот амбасадор на Косово, Јорн Роде, ја поздрави поддршката на Косово за Украина.
„Оваа поддршка ги надминува зборовите. Ова не е видливо само со истакнувањето на украинските знамиња во градовите на Косово и во нашите објекти, туку и во поддршката на Владата, заедно со нашите иницијативи. Сите ние го сакаме мирот и продолжуваме да го притискаме (Рускиот претседател Владимир) Путин да ја запре војната. Украина ќе биде суверена без никакви услови“, рече Роде, поздравувајќи го сместувањето на украинските новинари во Приштина.
Првата украинска новинарка што се засолни на Косово, Људмила Макеј, во својот говор му се заблагодари на Косово, додека Приштина ја нарече свој втор дом.
