За усвојување на резолуцијата гласаа 119 земји, против гласаа 53 држави, вклучувајќи ги Соединетите Американски Држави, Германија, Франција, Канада, Јапонија, Украина и други. Десет држави беа воздржани.
Меѓу оние кои ја поддржаа иницијативата се, меѓу другите, Србија, Ерменија, Бразил, Египет, Ирак, Израел, Мексико, Катар и други.
Меѓу десетте воздржани се Швајцарија, Турција, Мјанмар, Панама и други.
Резолуцијата подготвена од Русија, а чии коавтори се Туркменистан и Белорусија, особено им препорачува на државите да преземат соодветни мерки во законодавството и образованието, во согласност со човековите права и своите меѓународни обврски, за да се спречи ревизија на историјата и резултатот на Втората светска војна.
Авторите на резолуцијата најостро ги осудуваат инцидентите во врска со величењето и пропагандата на нацизмот, вклучувајќи цртање графити со пронацистичка содржина, дури и на спомениците на жртвите на Втората светска војна.
