Во општината Чаир било интервенирано на улицата „Славеј Планина“, во непосредна близина на скопското Теќе, каде што се подигнати 15 кубни метри отпад од картонски пакувања одложени на јавна површина.
– Приближно 10 кубни метри претежно мешан комунален отпад е отстранет од сообраќајна површина на улицата „Самоилова“, а расчистени се и неколку помали диви депонии составени од кабаст и градежен отпад лоцирани на улицата „Цветан Димов“, соопштија денеска од ЈП Комунална хигиена-Скопје.
Екипите на ЈП Комунална хигиена-Скопје за време на викендот отстраниле и 10 кубни метри непрописно одложен отпад од картонски пакувања во близина на Арената „Борис Трајковски“.
