„Основното јавно обвинителство Скопје ја прими и веќе постапува по пријавата. Со оглед дека осомничениот се уште е недостапен на органите на прогонот и по него се трага со национална и меѓународна потерница, ќе се преземат други дејствија за испитување и прибирање докази“, информираа од Јавното обвинителство.
Управата за финансиска полиција до Основното јавно обвинителство Скопје денеска поднесе кривична пријава против Перпарим Бајрами во својство на директор на Државна лотарија поради постоење основано сомневање за сторено кривично дело злоупотреба на службената положба и овластување.
