„Единствениот пат до членство во ЕУ е нормализација на нивните односи, врз основа на договорот од Охрид“, порача Калас на социјалната мрежа Икс на која постираше фотографии од одвоените состаноци со претседателот на Србија Александар Вучиќ и косовскиот премиер Аљбин Курти.
I met @avucic and @albinkurti today.
The only way to EU membership is through normalisation of their relations, on the basis of the Ohrid agreement.
I welcomed the readiness to fully cooperate after the recent terrorist attack. Perpetrators must face justice. pic.twitter.com/SRChOiwPb2
— Kaja Kallas (@kajakallas) December 3, 2024
Калас додаде дека ја поздравува „спремноста за целосна соработка по неодамнешниот терористички напад. Извршителите мора да се соочат со правдата“.
Курти во разговорот со Калас побарал Белград да им го предаде на косовските власти Милан Радоичиќ, за кој Приштина тврди дека е организатор на инцидентот во Бањска од 24 септември минатата година.
Вучиќ синоќа во Брисел кажа дека се очекува Калас да го посети Белград во февруари. „Се очекува таа (Каја Калас) да дојде во Србија во февруари“, им кажа Вучиќ на новинарите по состанокот со функционерката на ЕУ. Според него состанокот бил „отворен, искрен, но не и лесен“, бидејќи Калас инсистирала на поголема усогласеност на Србија со политиката на ЕУ, како воведување санкции против Русија. „Одговорив во согласност со политиката и интересите на Србија“, кажа Вучиќ.
Додаде дека покрај Калас, разговарал со помошникот министер за надворешни работи на САД за европски и евроазиски прашања Џејмс О’Браен за ситуацијата на Косово и дека му кажал дека и Србија спроведува истрага за инцидентот во Зубин поток.
