Ова особено се однесува на санкциите против Меѓународниот кривичен суд.
„Администрацијата на Трамп донесе три големи победи за Путин. Воведе санкции за Меѓународниот кривичен суд откако судот во Хаг издаде налог за апсење на Путин“, забележа западниот новинар Брендан Кол во напис за Њузвик.
Новинарот го нарече меморандумот за распуштање на специјалната група „Клепто капчр“ уште една акција на САД во корист на Русија.
За време на мандатот на поранешниот американски претседател Џозеф Бајден, оваа група се занимаваше со санкции против олигарсите поврзани со Руската Федерација.
Сепак, Русија може да се соочи со построги санкции на САД за да го турне Путин на преговарачка маса, изјави за Њујорк пост пратеникот на Трамп во Украина, пензионираниот генерал Кит Келог.
Последниот „подарок“, според Кол, претставува крај на борбата на Вашингтон против „тајните кампањи на руско влијание“.
Извршната наредба на Трамп за воведување санкции на МКС, доаѓа по една недела откако државниот обвинител Пем Бонди ги запре федералните напори за спроведување на законот за борба против кампањите за тајно влијание од страна на Русија и други противници.
Директива на Бонди ќе го запре федералниот обид за спроведување на законот за борба против кампањите за тајно влијание од страна на Русија и другите противници како Кина, кои се обидуваат да посеат хаос во американската политика, пишува Њузвик.
