Министерот најави дел од плановите за иднина.
„Наша заедничка амбиција е во следниот период овие јас ги нарекувам градски возови бидејќи се работи за дистанци кои не се големи, да пуштиме градски возови до Тетово и до Гостивар. Секако амбиција е да се врати целата линија до Кичево, а понатаму до Штип и до Кочани. Тоа е следната амбиција за која се надевам за брзо ќе ве поканиме тука“, истакна Николоски на железничката станица во Скопје.
„Благодарение на работниците во Македонски железници Транспорт на македонските пруги во моментов има 14 возови и локомотиви кои сообраќаат.
Во јуни 2024 година кога ја преземавме власта имаше НУЛА локомотиви и возови и претпријатието беше пред колапс, а вработените немаа земено плата. Македонските железници ќе бидат гордост на Македонија.
Споредено со четвртиот квартал во 2023, во истиот квартал во 2024 година имаме преку 75% зголемување на товарниот железнички транспорт. Продолжуваме со уште поголеми проекти“, напиша Николоски на својот фејсбук-профил.
