Посебен акцент на разговорите беше ставен на воспоставување на директна авионска линија меѓу Скопје и Прага, како и можноста за нова линија Охрид – Карлови Вари. Според Николоски, разговорите со директорот на аеродромот во Прага биле конструктивни и се очекува наскоро официјализирање на договорот.
„Разговаравме за отворање на директна линија меѓу Скопје и Прага и сме многу блиску до финализирање на договорот. Исто така, разгледуваме можност за линија Охрид – Карлови Вари како втора дестинација“, изјави Николоски.
Дополнително, вицепремиерот се сретна со претставници на реномираната фабрика Шкода, со цел да ги убеди да инвестираат во Македонија. Тој нагласи дека работната посета вклучува и соработка во други сектори, како земјоделие, култура, туризам, економија и финансии, што ќе придонесе за зајакнување на односите меѓу двете земји.
Очекувањата се дека овие разговори ќе резултираат со зголемена трговска размена, нови инвестиции и подобрена туристичка понуда за македонските и чешките граѓани.
„Она што ми е особено задоволство е тоа што ќе се остварат бројни билатерални средби меѓу различни ресори. Покрај мојот ресор, тука е и ресорот земјоделие, култура и туризам, економија и финансии, надворешни работи и енергетика. Значи бројни сектори ќе бидат опфатени како можност за сорабокта меѓу двете држави. Веќе се прават посети на различни стопански концепти, исто така имаше и презентација на туристичките потенцијали на Македонија и множноста за привлекување на туристи, а само што завршивме состанок со директорот на аеродормот на Прага. Разговаравме за отворање на директна линија меѓу Скопје и Прага и можам да кажам дека сме многу блиску за отворање на директна линија, а можам да кажам дека разговаравме и за отварање на втора линија од Карлови Вари до Охрид како втора дестинација која би одела од Чешката Република. Денот го продолжуваме со средба со претставниците на фабриката Шкода, мислам дека не треба многу да се кажува за Шкода, ќе се обидеме да ги привлечеме да инвестираат во Македонија. За утрешниот ден имаме средби со министерот за транспорт и министерот за енергетика, тука е и зедничкиот Комитет меѓу двете делегации и на тој начин очекувам да се зголеми трговската соработка а и туристичката размена меѓу двете земји и на овој начин покажуваме дека се обидуваме да го развиеме туристичкиот потенцијал и да ја подобриме економијата во Македонија.
На средбата со директорот на аеродромот на Прага беа разменети идеи дали да се оди со авиопревозник кој што би го имал Скопје како единствена дестинација или тоа би се користело за конектинг летови кои би поврзувале други дестинации. Јас сум повеќе за втората варијатна затоа што тоа отвора друг тип на патници, отвора повеќе патници, а во однос на летната сезона таа е веќе почната така што зборуваме за зимска сезона и другата летна сезона, тоа е најрано кога што можеме да очекуваме други дестинации”, изјави вицепремиерот Александар Николоски.
