„Црвените“ утре мирно ќе ги гледаат дербито помеѓу Арсенал и Манчестер Сити откако попладнево со три бода си заминаа од гостувањето на Виталити.
Салах од пенал по половина час игра донесе 0-1, а потоа во 75. минута маестрално пласираше во аголот за 0-2 и ја потврди победата на Ливерпул.
Борнмут има за што да жали откако два пати ја погоди рамката од голот, а и Клајверт од пет метри промаши зицер за 1-1.
Евертон со 4-0 го победи Лестер, Саутемптон со 1-2 славеше на гости кај Ипсвич, а со истиот резултат Фулам триумфираше на гости кај Њукасл.
На првиот денешен натпревар, Нотингем Форест со убедливи 7-0 го совлада Брајтон.
