Тој е првиот кошаркар во НБА кој стигнал до трипл-дабл со 30 плус поени, 20 плус скокови и 20 плус асистенции, Јокиќ натпреварот го заврши со 31 поен, 21 скок и 22 асистенции.
One of one 🃏 pic.twitter.com/jLzFoO0ODA
— Denver Nuggets (@nuggets) March 8, 2025
Пред него, само Расел Вестбрук и Вилт Чембрлен имале трипл дабл 20/20/20, но никој никогаш не успеал да го постигне ова што направи Јокиќ.
Покрај ова, во последните 50 дена ова е втор негов трип-дабл со 30/20/15 што исто така не му успеало на ниту еден кошаркар во историјата на НБА.
До трипл дабл против Феникс, Србинот стигна по само 20:38 минути во игра што е деветти најбрз во историјата на НБА.
Што се однесува до натпреварот, Денвер водеше и со 21 поен разлика, но си ја искомплицира ситуацијата и се најде во позиција дури и да загуби бидејќи во финишот Феникс поведе со 122-120. Натпреварот отиде во продолжение каде Денвер отвори со 7-0 и постигна вкупно 22 поена, па победата потоа не беше доведена во прашање.
Најефикасен на мечот беше Букер со 34 поени, а кај Денвер се истакна уште Гордон со 27 поени.
Резултати:
Торонто – Јута 118-109
Мајами – Минесота 104-106
Оклахома – Портланд 107-89
Денвер – Феникс 149-141
Сакраменто – Сан Антонио 127-109
ЛА Клиперс – Њујорк 105-95
