Кај Грабовица, пак, пред браната на хидроцентралата, се насобрало ѓубре.
Само во хидроакумулацијата Грабовица, според проценките, се натрупало количество отпад околу 50.000 метри кубни, со континуиран прилив на нови количества.
Електростопанство на Босна и Херцеговина соопшти вчера дека со ангажирање на механизација и персонал од хидроцентралата на Неретва, и со помош на Цивилната заштита, почнало отстранувањето на последиците на дотокот на наносите, пред сè на големите количества ѓубре.
Постоел ризик поради безбедноста на објектот да се пушти отпадот да продолжи да плови кон морето, но тоа е избегнато.