„После 15 години активизам за Егејското прашање вчера на моја огромна жал моето патување за Овчарани заврши на границата помеѓу Вардарска и Егејска Македонија .
Без никакво образложение добив документ дека во наредните три години сум непожелен на територијта на Република Грција, колевката на демократијата.
Се повторува репресијата врз моето семејсто и по цели 76 години од убиствата и прогонот на моите дедовци, татко и чичковци, во модерна Европа во 21-от век.
Чемер и жал во душата што најверојатно никогаш повеќе нема да го видам мојот В’мбел како и моите баба и дедо кои починаа без уште еднаш да си го видат родното огниште.
Но горд сум и среќен што на времено им го покажав патот на стотици потомци од В’мбел до нивните корени меѓу кои и на моите деца. Тие ќе продолжат да се враќаат онаму каде што тежиме, тие ќе го одржуваат огнот на нашите гробови и црква. Вистинта за Егејот и В’мбел ќе живее се дур нѐ има до последниот Љукра.
Егејот е душата на Македонија“, напиша Лукревски на својот фејсбук-профил.
Тој, како претседател на здружението В’мбел и координатор на егејските здруженија во Македонија лани на 24 октомври организираше посета на поголема група на селото В’мбел во Грција. Вчера грчките полицајци му рекоа дека од 4 декември му е издадена забраната. Така реши Атина, образложија грчките полицајци.
