Во седумте вечери посветени на авторите од новиот документаристички бран на бугарската кинематографија, како и класичните автори, посетителите ќе имаат можност да проследат 10 краткометражни и долгометражни наслови.
Автори на филмовите од оваа селекција се Станислав Дончев, Јордан Тодоров, Борислав Колев, Андреј Паунов, Светослав Стојанов , Коста Биков, Тонислав Христов, Елдора Трајкова, Панчо Цанков и Анри Кулев.
Продуцентката Мартичка Божилова, сценаристката Петја Александрова и филмскиот критичар и историчар на филмот Росен Спасов ќе бидат гости на оваа кинотечна програма и публиката ќе има можност да разговара со нив по проекциите на филмовите, информираат од Кинотека.
