Шестмесечната мисија ја предводи поранешниот пилот на военото воздухопловство Танг Хонгбо (48) кој беше член на првиот екипаж во вселенската станица во 2021. Неговото враќање на орбиталната станица Тиангонг, „Небесна палата“, претставува и нов рекорд за најкраткиот интервал меѓу две мисии на тајконаут, израз искован од кинескиот збор за вселената.
China’s Shenzhou-17 launch in 60 seconds #SpaceChina pic.twitter.com/cAqprIWWxx
— CGTN (@CGTNOfficial) October 26, 2023
Оваа мисија е навестување на побрзата ротација на кинеските астронаути во иднина. Покрај Танг, првпат во вселената полетаа 33-годишниот Танг Шенгџие и 35-годишниот Џијанг Синлин. Кина го почна и процесот на селекција за четвртата група астронаути.
Од кандидатите се бара да имаат завршени докторски студии од природонаучни дисциплини, од физика, биологија и хемија до медицинско инженерство и астрономија. Можат да се пријават и кандидати од Хонг Конг и Макао. Првите две групи тајконаути сите беа поранешни пилоти на военото воздухопловство кои се придружиле на Народноослободителната ослободителна војска во 1995 година со 20 години.
