Вработени во Бирото за јавна безбедност вршат претреси и кај познати автосервиси кои со години ги сервисирале возилата на полицијата.
Веќе подолго време во МВР има гнев меѓу вработените во однос на достапноста на службените возила за секојдневните обврски – некои организациски единици останувале без службените возила со месеци, а откако биле известувани да си ги подигнат возилата наводно исправни, гледале дека нема промени и повторно ги враќале на сервисирање. Вработените се сомневаат во исполнувањето и контролата на меѓусебните обврски на МВР и сервисите, што за нив е очигледна корупциска зделка.
Има сознанија дека економските оператори во соработка со поедини надлежни и одговорни лица од МВР договарале како повторно да добијат нови милионски тендери. Со денешната акција за прв пат во историјата на јавните набавки во Македонија имаме случај на спречен обид за потпишување на нов договор за јавна набавка штетен по една институција.
„Нема да биде како до сега! Ќе сноси одговорност секој, без разлика дали е полицаец, началник или кој било друг. Законите важат и ќе важат за сите“, изјави неодамна Панче Тошковски, министерот за внатрешни работи.
А.Д.
