Тој истакна дека веќе стигнале неколку предлози од разни земји.
„Нема да кажам кои се тие земји. Но такви предлози се давани и се даваат“, кажа тој одговарајќи на прашањето дали унгарскиот премиер Виктор Орбан и словачкиот премиер Роберт Фицо ги предложиле своите земји како платформа за преговорите на Путин и Трамп.
Трамп во неделата порача дека се радува на состанокот со Путин за да се реши конфликтот во Украина.
„Претседателот Путин кажа дека сака да се сретне со мене што е можно побрзо. Ќе го причекаме тоа, но мораме да ставиме крај на таа војна“, кажа Трамп во Аризона.
Претседателот на Русија на 19 декември изјави дека е спремен за разговор и состанок со Трамп, истакнувајќи дека, ако дојде до таква средба, двајцата лидери ќе имаат за што да разговараат.
