Демонстрациите беа организирани од „Алијансата за акција против безбедносната конференција на НАТО“, која соопшти дека на конференцијата во Минхен не се разговарало за безбедноста, како и дека таканаречената глобална супериорност на Западот, заснована на империјалистичката поделба на светот, доведе до бројни конфликти ширум светот, пренесува РИА Новости.
Организаторите наведуваат и дека Германија сѐ повеќе се милитаризира, додека германскиот народ сака мирољубива политика.
Акциониот сојуз се противи и на плановите на германската влада да распореди американски ракети во Германија. Демонстрантите носеа палестински знамиња, како и транспаренти и постери кои повикуваа на мир во светот и прекин на испорака на оружје за Украина и Израел.
📹🇩🇪 Massive protest in Munich against the Security Conference!
Protesters are rallying against NATO, demanding peace talks and condemning arms shipments to Ukraine and Israel. ✊🕊️#Munich #Protest #SecurityConference #NATO #Peace #Ukraine #Israel pic.twitter.com/fBW0BC3qKA
— Ali Shunnaq (@schunnaq) February 15, 2025
Се наведува дека околу 5.000 полицајци биле распоредени за да ги обезбедат учесниците на конференцијата, која започна во петокот, а завршува во недела. Беше повикано засилување од другите делови на Германија и од Австрија.
