Една од акциите на МВР која ја коментираше премиерот, е акцијата за криминални кланови кои биле со години присутни во државата, група која е поврзана со многу сторени криминални дела, меѓу кои и убиства.
„Полициската акција против криминални структури кои изминативе години, децении би рекол се присутни низ градовите во државава, станува збор за акција против група за која што има основани сомневања дека се поврзани со многу сторени криминални дела меѓу кои и убиства“, истакна премиерот Мицкоски.
Тој додаде дека според информациите со кои располага, со оваа полициска акција расветлени се седум убиства во Македонија.
„Можам да кажам дека врз основа на доказите што се прибавени станува за најсложена полициска акција во историјата на Македонија и акција која ќе обелодени и со која ќе се разјаснат убиства случени изминатите години. До овој момент јас располагам со информација дека се расветлени седум убиства сторени од оваа група“, одговори премиерот Мицкоски.
