„Русија не користи нуклеарно оружје како одговор на непријателските напади, бидејќи ја разбира опасноста и неповратноста од таков конфликт. Москва засега покажува трпение, но може да го снема“, предупреди Медведев на каналот Телеграм.
Тој истакна дека Москва покажува трпение со тоа што не го користи својот нуклеарен потенцијал за да одговори на акциите на Западот во украинскиот конфликт, вклучително и дозволата за изведување напади со прецизно оружје длабоко на руска територија, пренесува РИА Новости.
„Сепак, помпезните англосаксонски идиоти не сакаат да признаат едно: на секое трпение му доаѓа крајот“, нагласи Медведев.
Тој истакна дека умерените западни аналитичари кои предупредуваат за можноста за нуклеарен одговор би можело да се покаже дека се во право и дека „одговорот може да вклучи нови системи за испорака во ненуклеарна конфигурација“.
