Нивното заедничко појавување дојде кога Трамп потпишуваше извршна наредба со нови насоки за федералните агенции за спроведување на иницијативата на Одделот за владина ефикасност (ДОГЕ), за која Маск и Трамп велат дека има за цел да ги намали прекумерните владини трошоци.
Трамп изјави дека ДОГЕ веќе откри „милијарди и милијарди долари потрошени пари, измами и злоупотреба“, додавајќи дека конечната проценка може да достигне „близу трилион долари“. Сепак, ниту Трамп ниту Маск не објаснија како стигнале до овие бројки.
Наредбата на Трамп утврдува нови детали за соработката на владините агенции со ДОГЕ за намалување на големината на федералната работна сила и ги повикува лидерите на агенциите „веднаш да започнат со подготовки за масовни намалувања на вработените“. Наредбата не прецизираше колку работни места ќе бидат укинати.
Исто така се поставени нови насоки за вработување, наведувајќи дека секоја агенција може да вработи по еден нов вработен на секои четворица што ќе ја напуштат работата. Менаџерите на агенцијата мора да се консултираат со „лидерите на тимот на ДОГЕ“ пред да одобрат вработување.
Овие измени не се однесуваат на воен персонал, а исклучоци се предвидени за позиции поврзани со „националната безбедност, домашната безбедност и јавната безбедност“.
Трамп и Маск одговорија на голем број критики во врска со ДОГЕ, вклучително и прашања за тоа дали нивната иницијатива бара одобрение од Конгресот и дали администрацијата ќе ги почитува судските одлуки против иницијативата.
Федералните судови веќе му блокираа на ДОГЕ пристап до чувствителни информации во рамки на Министерството за финансии. Во посебна пресуда, федерален судија во Род Ајленд рече дека администрацијата целосно не ја почитувала забраната за суспендирање на плаќањата за одредени програми.
На прашањето за судските предизвици против ДОГЕ, Трамп призна дека ќе ги почитува одлуките на судиите. „Секогаш се придржувам до судските одлуки. Секогаш. Но, ќе се жалиме“, рече Трамп.
Маск на конференцијата се појави во црн капут со црна капа на главата со натпис „Да ја направиме Америка повторно голема“, а со него беше и неговиот петгодишен син Икс, кој дел од времето го држеше на раменици.
Elon Musk’s son “X” made an appearance in the Oval Office Tuesday. President Donald Trump introduced the 4-year-old as a “high IQ individual.” pic.twitter.com/bGep1e2BKe
— Newsweek (@Newsweek) February 11, 2025
Запрашан за критиките дека има преголема моќ над владата, тој одговори: „Народот гласаше за големи владини реформи и тоа ќе го добијат“.
„Тоа е суштината на демократијата. Целосно очекувам да бидам критикуван. Не дека мислам дека можам да се извлечам од нешто. Она што го правиме се здраворазумски мерки кои не се драконски или радикални“, додаде тој.
🚀 MUSK & TRUMP IN THE OVAL OFFICE—BUT LITTLE X STEALS THE SHOW! 🇺🇸
Elon Musk is standing next to President Trump, talking about cutting the deficit in half—and his 4-year-old son, X, is just casually hanging off his dad’s shoulders, whispering to Trump, and picking his nose. 😂… pic.twitter.com/exC8P4pgwM
— Francois Leclerc (@f_leclerc20037) February 11, 2025
Маск ги опиша федералните работници како „неизбрана, четврта, неуставна гранка на власта“, која според него има „повеќе моќ од кој било избран претседател“.
„Намалувањето на федералните трошоци не е изборно прашање, тоа е есенцијално. Важно е. Клучно е за Америка како земја да остане солвентна, во спротивно ќе банкротира“, рече Маск.
Зборувајќи за транспарентноста и потенцијалниот конфликт на интереси, со оглед на неговите бројни деловни врски со федералната влада, Маск рече дека ДОГЕ е „најтранспарентна што може да биде“ и дека сите активности на ДОГЕ се објавени на интернет.
Тој, исто така, посочи дека прашањата за конфликт на интереси треба да се насочат кон поединечни договори, додавајќи: „Јас лично не поднесувам договори. Тоа се луѓето од Спејсекс или некој друг што поднесува договори“.
