Во интервјуто го бранел своето раководство со компанијата. Запрашан дали се кае што го купил Твитер, вториот најбогат човек на светот рече дека нивото на болка е исклучително високо и дека тоа не била некаква забава. За својата досегашна работа на чело на компанијата, Маск рече: „Не беше досадно. Беше доста напорно“.
Тоа беше „навистина доста стресна ситуација во последните неколку месеци“, додаде тој, но рече дека сепак чувствува дека купувањето на компанијата е вистинската работа. Работите се одвиваат прилично добро, рече тој, истакнувајќи дека користењето на страницата е во пораст и дека „страницата работи“.
„Оптовареноста со работа значи дека понекогаш спијам во канцеларија“, рече тој, додавајќи дека има место на каучот во библиотеката „во која никој не оди“. Тој исто така се осврна и на своите понекогаш контроверзни твитови, велејќи: „Дали сум си пукал сам во нога со твитови повеќе пати? Да. Мислам дека не треба да твитам после 3 часот наутро“.
Кога станува збор за финансиите на Твитер, Маск рече дека компанијата сега е приближно на нула бидејќи повеќето нејзини огласувачи се вратиле. Тој, исто така, рече дека намалувањето на работната сила од нешто помалку од 8.000 кога ја купи компанијата на околу 1.500 не било лесно. Тој призна дека не ги отпуштил сите лично, велејќи: „Не е можно да се разговара со толку многу луѓе лице в лице“.
Заминувањето на многу инженери откако Маск ја купи компанијата предизвика загриженост за стабилноста на платформата. Маск призна некои пропусти, вклучително и паѓањa на страницата, но рече дека падовите не биле премногу долги и дека страницата моментално работи добро. Што се однесува до верификуваните сини ознаки на платформата, Маск рече дека тие ќе бидат отстранети од профилите до крајот на следната недела.
